वय माझं सोळा जवानीचा मळा

वय माझं सोळा जवानीचा मळा
बहरूनी आला
रसरसला, राया रसरसला.

गोरे गोरे गाल, ओठ माझे लाल
मुलायम माल
मुसमुसला हो कसा मुसमुसला.

शुक शुक, शुक शुक करता
टक मक टक मक बघता
परदेशी दिसता
वाट चुकला हो पंछी वाट चुकला.

दारी होते उभी, पाहिली तुमची छबी
चंद्र जसा नभी, चंद्र नभी
झगमगला हो कसा झगमगला.

निमिषाचा खेळ, झाला हृदयाचा मेळ
लाऊ नका वेळ आता लाऊ नका वेळ
संग घेऊन चला मला संग घेऊन चला.

वय माझं सोळा, जवानीचा मळा
बहरूनी आला.

बेलभंडार

मंत्रतंत्र, भोंदूगिरी करणाऱ्या दुष्टात्म्याच्या कारवायांना बळी पडलेल्या एका दुर्दैवी स्त्रीची ही कहाणी. फसवून लग्न करून दिला गेलेला नवरा बाहेरख्याली. विवाहापूर्वीचे नायिकेच्या स्वप्नदृश्यातले कृष्णभक्तिमय गीत 'नंदाच्या पोरा तुझी रीत नव्हे चांगली', पतीभक्त नायिकेचे 'मी नंदनवनी फिरते' हे गीत, चंगीभंगी नवरा क्लबमध्ये जातो तेथील 'वय माझं सोळा, जवानीचा मळा' हे उडतं पाश्चिमात्य नृत्यगीत आणि 'माडीवर' जातो तेथील 'नका बोलू असे दूर दूर बसून' ही मदमस्त लावणी आणि एक अंगाईगीत अशी विविध गीते आठवले यांनी या चित्रपटासाठी लिहिली आणि संगीतकार दत्ता डावजेकर यांनी त्यांचं चीज केलं.