पांडुरंग भेटी वैष्णव निघाले

पांडुरंग भेटी वैष्णव निघाले
विठ्ठल विठ्ठल घोषे अंबर कोंदले.

उभा विटेवरी आम्हा विठ्ठल हाकारी
पंढरीसी जाऊ, जाऊ चंद्रभागे तीरी
पंढरीसी जाऊ, जाऊ विठूच्या नगरी.

सखू:

जाऊ कशी, पाहू केवी रुपडे सावळे
जिऊ उताविळ माझा शिणुले डोळुले.

ठायी ठायी वाटे काटे, अंधकार दाटे
नुरे आस कासावीस, लेकरू धाकुटे.

दावी दावी चरण माये, निववी लोचन
महासुख लाहीन मी, श्रीमुख पाहीन.

संत सखू

'संत सखू' हाही प्रभातच्या संतपटांच्या पठडीतील आणखी एक चित्रपट. भक्तीरसातील गीते हे त्या चित्राचेही वैशिष्ठ्य ठरले. या चित्रपटापासून गाण्यांना उसना आवाज देण्यात येऊ लागला. संत सखूचे काम करणाऱ्या हंसा वाडकर यांच्यासाठी विनोदिनी देसाई यांचा आवाज वापरण्यात आला.