आनंद आनंद अवघा आनंद आगळा

गोविंद गोविंद अवघा मुकुंद सावळा
बहुता दिसांचे तप ये फळाला
आनंद आनंद अवघा आनंद आगळा.

धावुनी भक्तासाठी घननीळ वोळला, कृष्णघन वोळला
बाहेरी भीतरी अवघा आनंद सोहळा
आनंद आनंद अवघा आनंद आगळा

संत ज्ञानेश्वर

'संत ज्ञानेश्वर' या संत पटात जास्त करुन ज्ञानेश्वरांच्या ओव्यांचाच उपयोग केला गेला होता. तरीही 'आनंद आनंद अवघा' हा आठवल्यांनी लिहिलेला अभंग चपखल बसला आणि 'आम्ही दैवाचे दैवाचे शेतकरी रे' ह्या खास ग्रामीण थाटाच्या बैलगाडी हाकतानाच्या गाडीवानाच्या गाण्याने मजा आणली.

या चित्रपटाचे वेळी ज्ञानेश्वरीशी झालेली ओळख आठवल्यांनी वाढवली, जोपासली. इतकी की पुढे त्यांनी ज्ञानेश्वरीच्या त्यांच्या अभ्यासातून "ज्ञानदेवीची आराधना" या नावाचा अप्रतिम ग्रंथ लिहिला.