बघत राहू दे तुझ्याकडे

आज अकल्पित भेट घडे, भेट घडे
बघत राहू दे तुझ्याकडे

दु:ख न उरले सरली भीती
अंगान्गातून भरली प्रीती
धुंद गंध हा चहुकडे, चहुकडे
बघत राहू दे तुझ्याकडे

गीत स्फुरे कंठातून कोमल
पंखांना ये आज नवे बळ
उल्लन्घाया उंच कडे, उंच कडे
बघत राहू दे तुझ्याकडे

सत्य भेटले सौंदर्याला
अंकुर फुटले माधुर्याला
हर्षसागरी गगन बुडे, गगन बुडे
बघत राहू दे तुझ्याकडे

सुभद्राहरण

आठवले यांनी होमी वाडिया यांनी निर्मिलेल्या 'सुभद्राहरण' या चित्रासाठी लिहिलेली आणि वसंत पवार आणि प्रभाकर जोग यांनी संगीत दिलेली गीते आजही अत्यंत लोकप्रिय आहेत.'आला वसंत ऋतु आला, 'उमलली एक नवी भावना' 'कुणाला सांगू माझी व्यथा', एकटी मी एकटी', 'बघत राहू दे तुझ्याकडे' ही सर्वच्या सर्व गाणी श्रवणीय आहेत.